«يا بختها».. نطقتها الفنانة غادة عبدالرازق، تعليقًا على زيارة المشير عبدالفتاح السيسي، رئيس الجمهورية، وبصحبته الفريق أول صدقي صبحي، وزير الدفاع والإنتاج الحربي، والفريق محمود حجازي، رئيس أركان حرب القوات المسلحة، للسيدة «ضحية التحرش بميدان التحرير» لتقديم اعتذار لها عما حدث، أثناء احتفالها بفوزه مع جموع آخرين بالميدان واعدًا إياها بمحاسبة مرتكبي الحادث.وكتبت «غادة»، في صفحتها على «فيس بوك»، مساء الخميس، مرحبة بزيارة السيسي: «امبارح لما شوفنا رئيسنا المحترم كلنا قولنا يا بختها».
وعلى حسابها في «انستجرام»، كتبت «غادة»: «امبارح شوفت المشهد في التصوير رحت قلت لهم ينفع كده يا جماعة يا بختها.. ماينفعش حد يتحرش بينا أنت فعلًا رئيس محترم ونعمة اختيارنا لك».
وقال السيسي مخاطبًا السيدة، الأربعاء: «حقك علينا، معلش، متزعليش، حمد لله على السلامة، أنا تحت أمرك.. أنا آسف».
كان السيسي قال: «متزعليش، إحنا آسفين، وعايز أقولك مش هاكلم وزير الداخلية ولا وزير العدل، هاكلم كل جندي في مصر، شرطة مدنية أو جيش في كل حته، بكلمكوا انتوا كل ضابط صغير مش ممكن أبدا هيحصل ده ويستمر في مصر، لا مينفعش كده».
وتابع: «باتكلم على كل مصر، وبقول للقضاء عرضنا ينتهك في الشوارع وده لا يجوز، حتى لو كانت حالة واحدة، وبقول للإعلام فيه مسؤولية علينا واتكلمنا قبل كده علشان فيه مسؤولية على الجميع، الإعلام والشرطة والقضاء وكل راجل عنده نخوة وشهامة عيب عليك، تسيب الحالة دي تحصل حتى لو كانت حالة واحدة».
